Tansano mamiliah kayu ka bajak., mako carilah nan lantiak landai., nan bungkuak agak malaua., jan rumik bana manarahnyo..
Piliah dagiangnyo nan bapilin bamatan bamato-mato., batarek baurek-urek.. Kok tasorong bajak ka batu., sah maliuak mato singka., kabau nan indak payah ameik..
Kok kandak buliah pintak balaku..
Limpapeh rumah nan gadang., amban paruik pagangan kunci., pusek jalo kumpulan tali., hiasan di dalam kampuang., sumarak dalam nagari..
Nan gadang basa batuah ;
Ka pai tampek batanyo., kok pulang tampek babarito., kok hiduik tampek baniaik., kok mati tampaik banazar., ka undang-undang ka Madinah., payuang panji ka Sarugo..
Muluik manih kucindam murah ;
Baso baiak gulo di bibie., muluik manih talempong kato., sakali rundiang disabuik., takana juo salamonyo..